في الآونة الآخيرة اصبحت كلمة "شعب متدين بطبعه" هي ديباجة اي حوار عن الوساخة او القذارة التي يصف بها اي شخص يعيش في مصر واصفا حاله او موقف مر به مٌشيرا بالطبع الى سوء مٌعاملة من طرف آخر.
قمت انا عملت ايه بئا, ملوخية باللحمة, لا طبعا, اتصلت بجوجل وقلت له بقولك ايه, في مصلحة, المهم اعدت ادور بئا عن الكلمة بنت الكلب دي عشان انا بصراحة قرفت وعايز اعرف مين ابن الحلال الي قالها في الاول, والاكتشاف كان عجيب, خد عندك.
واحد اسمه عبد الرشيد من مقديشو (الصومال) - كتب مقال بيتكلم فيه عن الصحوة الدينية في الصومال, ورغي وبتاع وذكر كلمة ان شعب الصومال يعتبر شعب متدين بطبعه, ومع ذلك مش عارف ايه فشل الخطاب الديني, سبحان الله يا جدع, عندهم شعب زيينا.
ودي كتبها في 15/12/1999.
وده الرابط : اضغط هنا
بعد كدا بقا, جه الدكتور شاكر النابلسي (مفكر أردني), استورد الكلمة دي و دخلها مصر عن طريق مجلة الديمقراطية التابعة لمؤسسة الاهرام في مقال بعنوان "الفكـر العربــي و الصــدام بين الحضــارات".
والمقالة دي كانت بتاريخ : 12/12/2000 و ده الرابط : اضغط هنا
يعني اصلها انها اتكتبت من اكتر من 15 سنة ولسة بتتقال لحد دلوقت, اللي يزعلك بقا ان حتى الكلمة دي اصلها مش مصري, ياخي احه.