اكيد سمعت حديث النبي صلى الله عليه وسلم لما قال "اعمار امتي ما بين الستين والسبعين", ولو قلنا انك لسة شاب و لسة في وقت الدراسة, وكان وراك جيش كمان, فهتكون خلصت من الجو دا وانت في سن 25 سنة, هتعض بقا تدور على ذاتك و تدور على نفسك جوا نفسك كتير :)))
قول بعد خمس سنين هتبتدي تعرف انت عايز ايه, اللي هو يعني على سن الـ30 هتكون واعي, وبالمرة تكون اتجوزت فاستقريت وبطلت تبص على المٌزز وبقيت عاقل شوية, فدا هيساعدك على التركيز على احتياجاتك التانية بعيدا عن الجنس شوية.
تعالى نحسب بقا ساعتها جدول كدا بسيط عشان تعرف انت عمرك هيضيع ازاي, ودي مجرد نظرية كدا, و اولع بـ جاز لو مش عاجبك بس ده جدول حياتك:
| نوم | 8 ساعات |
| شغل | 8 ساعات |
| في العربية | 2 ساعة |
| تلفزيون وهلس وخروجات | 1 ساعة |
كدا انت في 19 ساعة بيروحو منك كل 5 ايام, يبقى باقي 5 ساعات, 5x5=25, كدا 25 ساعة ايام الشغل فاضيين, خد بقى ايام الاجازات جدولها اولموست كالتالي:
| نوم | 8 ساعات |
| في العربية | 1 ساعة |
| تلفزيون وهلس وخروجات | 5 ساعة |
وايام الاجازة انت هتستهلك 14 ساعة يوميا, فيتبقى 10 ساعات, 10x2=20, وايام الاجازة هيكون عندك 20 ساعة فاضي.
تعالى نحسب بقا, يبقى في الاسبوع الواحد انت تقدر تحقق 25+20=45 ساعة اسبوعيا انت فاضي, 45x4=180 ساعة شهريا, وفي السنة 2160 ساعة, في 30 سنة يبقى 64800 ساعة, و انت عندك في السنة الواحدة في 8760 ساعة, يبقى بحسبة بسيطة:
(45*4*12*30)/8760=7.3 سنوات
يعني تقريبا 7 سنين و 4 شهور هي دي الفترة اللي هتكون فيها فاضي وعندك وقت فراغ عشان تحقق احلامك و ذاتك و تبني نفسك وتطورها وتبهدل نفسك.
بس انسى كل دا دي حاجة FYI كدا... و..